اسف علي الايام معاك ....

يااا قاتل احساس اني زول
رجع حقوقي الشلتها
ندمان علي خاطر الحروف
الفي فؤادك قلتها
اسف علي الايام معاك
الكنت جنبك عشتها
وعفوا علي كل الزمن
كل الخطاوى السرتها
تنهدى امااااال الفؤاد
لو ذكرى ليك رجعتها
ارحل ولا ندمان عليك
خائن العهود القلتها
وانساني في اخر طريق
رجع كرامتي الطلتها
بادر براك ارحل وفوت
نارك معاي ولعتها
ماعاد خلاص نافع سكوت
والريده جواي شلتها
لا بنسى لا بعدك اموت
لحظات عميري العشتها
لو لسى فاضل فيني صوت
حأقول حروفي القلتها
فارق دروبي ويلا فوووت
انت المشاعر خنتها

» ببقي صريح معاك ...
» انا لو علي افضل معاك واحرسك...