وريني اشكيك لي منو ....

وريني اشكيك لي منو
احترت بينك والسماح
وانا زاتي اشكيك شان شنو
انا كلي ايات للجراح
واستأذنك وقت الرحيل
اهو من ضفاف الريده لاح
كلم مشاعرك والعيون
ماعدت ليها خلاص مباح
واعرف هواك جرح كتيييير
رغما" هواي انا ليك وشاح
وزي ما بنينا الريد قصور
قدام عيونا الكل طاح
ماقصدي املاك بالعتاب
صدقني كل القلتو صاح
وقت الرحيل عارفو الكلام
من جوفي مطلوق الصراح
وعلي العموم
يمكن احن واتذكرك
مع إنو بطراك بالجراح
يلا الوداع ي زول عنيد
ما حن لي صوت الصياح
اعرف هواك في شرعي يوم
ما اظنو يرجع لي مباح
واتذكر اني كريم عليك
بعد الحصل ليك السماح
ما كان خيار غير الفراق
غير البعاد انا لي سلاح
يلا السلام ظلمي الكبير
يا اقسي من كل الجراح

» وريني كان قصرت فيك ....